Curashadii sannadkii 2008 markii caalamku u damaashaadayey soo dhaweynta sannadka cusub, waxan anigu xusuustay dadka Soomaaliyeedna ku booriyey in marka ay carruurtooda la dabaaldegayaan xusuustaan waxa dhib, dhiilo iyo ciil haysta carruurta iyo hooyooyinka dalkeenii, gaar ahaana magaalada Muqdisho, anigoo sannadkaa ku salaamay hees aan ku curiyey afka Ingiriisida oo la yidhaahdo “Spare A Moment”. Haddaba maanta oo la soo dhaweynaayo sannadka cusub ee 2010-ka waxan ognahay hoogga iyo dhiilada haysata dadkeena, gaar ahaan hooyooyinka iyo ubadkooda. Waxaa murgo leh in aanu xilliguba dhaqaaqin oo aad mooddo in uu meel tuban yahay sida aan gabay hore ugu idhi: “Afrikaay dhagax dixeed, miyaad sidii dheri jajabay, duleedka u dhooban tahay, waqtigu ku dul dhereran yahay…” Waxaana cad in Afrika, gaar ahaana dadka Soomaaliyeed, aanay u kala sokeyn gu’s curtay iyo mid gabbalsaday, oo ay ka indho saabtay dhibta abiidada ah ee dul dhereran. Waxa la yaab leh in hoogga iyo hiisha aan ku sheegay gabaygaygii “Sooyaal” oo aan tiriyey muddo hadda laga joogo 27 sanadood oo aan ku salaamay sannadkii 1983 uu weli run yahay oo ay saxariirtu Afrika la ehelowdayn. Erayada gabayga ku jiray waxa ka mid ahaa:
“...Nin madoobi samirkiyo,
Silicuu ku noolyahay,
Mar haddaanu suulayn
New Yearka sannadkee
Loo sacab tumaayiyo
Kii suulayee tegay
Uma kala sokeeyaan
Dhammaan waa u saxariir
Adduunkana sadkiisii
Rag baa uga sarreeyoo
Mawdkuun buu ku sugayaa...” (Sooyaal, Jan. 1, 1983)
Haddaba heestan soo socta oo iyadna aan ku suntayo curashada 2010 waxan ku xusayaa ba’a iyo balanbalka haysta hooyooyinka dalkeena, gaar ahaana meelaha dagaalka indho la’aanta iyo naxariis darrada ahi ka socodo ee ay kow ka tahay magaalada Muqdisho. Tixdu waa hees carruureed ay hooyo ku abaabaynayso wiilkeeda yar ee ay gosha ku hayso, uguna werinayso wixii hoog dhacay, isla markaana ugu ducaynayso uguna halaanhalayso himilada ay u filayso oo ah in xilligu isbedeli doono oo uu waxbarasho heli doono kuwa dembiyada galayna isagu maxkamad uu xeer ilaaliye ka yahay uu soo taagi doono dabadeedna gabadh qurux badan uu aroosan doono oo aqal weyn ku ladi doono. Waxan soo dhaweynayaa ciddii jeclaysata in heestan muusig la raaciyo oo video-clip laga sameeyo.
Ha iga ooyine aamu
Arli baynu lahayn
Shanta maalal adduun
Rabbi noogu alkumay
Ummad baynu ahayn
Amran oo la yaqaan
Abtirsiimo islaam
Iyo reer Afrikaan
Ku adduun jiratoo
Adyad la’aan dhaqantoo
Ashahaada taqaan
Kaan dalkeenii idlaa
Ehelkeenii dhammaan
Aan ka eeganayee
Uunka iigu hadhow
Ha iga ooyine aamu
Aabbahaa kuwi dilay
Abtigaa kuwii qalay
Eddadaa iyo habo
Ku afduubay rasaas
Een agoon ubadliyo
Ummul daashay
Ag marin
Ilaah baa arkayoo
Innoo aar gudiyoo
Ulo naara ku shidi
Kaan dalkeenii idlaa
Ehelkeenii dhammaan
Aan ka eeganayee
Uunka iigu hadhow
Ha iga ooyine aamu
Aqalkeeni caddaa
Ardaageeni wacnaa
Waxaad uur kohatiyo
Caanihii alkunaa
Noloshii asturrayd
Irhaab baa la tagee
Intay reer Orobaad
Ood inoo dadbayaan
Ilmadayda dhamoo
Ayaankaaga ku dhawr
Kaan dalkeenii idlaa
Ehelkeenii dhammaan
Aan ka eeganayee
Uunka iigu hadhow
Ha iga ooyine aamu
Waxay eedo galeen
Waxay aafo dhigeen
Waxay reero idlaa
Irdahaw rujiyeen
Waxay aadmi wacnaa
Qof islaama dileen
Iskuul baad tegiyoo
Ilaah baan baryayee
Adaa xeer ababshiyo
Abukaate ka noqon
Kaan dalkeenii idlaa
Ehelkeenii dhammaan
Aan ka eeganayee
Uunka iigu hadhow
Ha iga ooyine aamu
Ubadkaan dhalayeen
Ku il doogsanayow
Wiil astaamo lahoo
Aabo la’aan korayow
Ubixii waddankee
La ugaadhsanayow
Umalkaa tegiyoo
Waa san baa immanoo
Gabadh aynile baad
Aqal weyn kula hoyan
Kaan dalkeenii idlaa
Ehelkeenii dhammaan
Aan ka eeganayee
Uunka iigu hadhow
Ha iga ooyine aamu..
(By Bashir Goth, Jan. 1, 2010, Email: bsogoth@gmail.com This e-mail address is being protected from spambots. You need JavaScript enabled to view it )
Posted by salalnews
on January 01 2010 14:13:41 ·
0 Comments ·
578 Reads ·
Hees Cusub oo Loogu Talagalay Geb Secondary School Codkii Fanaanka Weyn Saliim Saciid Saliim
Wareysi Aanu La Yeelanay Wasiir-ku-xigeenka Waxbarashada iyo Tacliinta Sare Cali Xaamud Jibriil 
Wareysi Khaas ah oo aanu la yeelanay Gudoomiyaha Cusub Ee Gobolka Awdal Md:Maxamed Dahir Cabdalla.
.
Wareysi aanu La yeelanay Afhayeenka Xisbiga Kulmiye ee Gobolka Awdal Axmed Muxumad Dacar.
Wareysi aanu La yeelanay Gudoomiyaha Garabka Haweenka Xisbiga Kulmiye ee Gobolka Awdal Amaal Xaaji Axmed Miisaan 
Taariikh Nololedki Madaxweynaha Cusub Ee Somaliland Md:Axmed Maxamed Maxamud (Siilaanyo) 
Waraysi Aanu La Yeelanay Xog-hayaha Arrimaha dibada ee Kulmiye oo ka Waramay guusha Doorashada Somaliland.
Weriye Bashkas Jug soo dhacay Oo ka Waramay Doorashada Somaliland 
Wareysi Khaas ah oo aanu la yeelanayAbwaanka caanka ah ee Soomaaliyeed Maxamuud C/laahi Ciise(Sangub)Qaybtii 1 & 2.
Curashadii sannadkii 2008 markii caalamku u damaashaadayey soo dhaweynta sannadka cusub, waxan anigu xusuustay dadka Soomaaliyeedna ku booriyey in marka ay carruurtooda la dabaaldegayaan xusuustaan waxa dhib, dhiilo iyo ciil haysta carruurta iyo hooyooyinka dalkeenii, gaar ahaana magaalada Muqdisho, anigoo sannadkaa ku salaamay hees aan ku curiyey afka Ingiriisida oo la yidhaahdo “Spare A Moment”. Haddaba maanta oo la soo dhaweynaayo sannadka cusub ee 2010-ka waxan ognahay hoogga iyo dhiilada haysata dadkeena, gaar ahaan hooyooyinka iyo ubadkooda. Waxaa murgo leh in aanu xilliguba dhaqaaqin oo aad mooddo in uu meel tuban yahay sida aan gabay hore ugu idhi: “Afrikaay dhagax dixeed, miyaad sidii dheri jajabay, duleedka u dhooban tahay, waqtigu ku dul dhereran yahay…” Waxaana cad in Afrika, gaar ahaana dadka Soomaaliyeed, aanay u kala sokeyn gu’s curtay iyo mid gabbalsaday, oo ay ka indho saabtay dhibta abiidada ah ee dul dhereran. Waxa la yaab leh in hoogga iyo hiisha aan ku sheegay gabaygaygii “Sooyaal” oo aan tiriyey muddo hadda laga joogo 27 sanadood oo aan ku salaamay sannadkii 1983 uu weli run yahay oo ay saxariirtu Afrika la ehelowdayn. Erayada gabayga ku jiray waxa ka mid ahaa:
Waraysi Khaasa : Ciyaartooy Xasan Waraabe Cade oo ka soo jeeda Somaliland oo ka mid ahaa Ciyaartooyadii Hore ee Soomaaliya. 
Waraysi aanu la yeelanay Gudoomiyaha Ururkan horumarita wadooyinka Awdal/Salal (ASARDA), Pro:Xasan Cali Cismaan
